Transcription
1
Monseigneur, jay receu les lettres quil a pleu à
2
vostre seigneurie mescrire et vous remercie humblement
3
la bonne volonté que je cognoys que me portés, encor
4
que jusques icy, je naye heu le moyen de vous faire
5
aulcun service, combien que tousjours je laye grandement
6
désiré, ce que par effaict vous feray cognoistre en ce
7
quil vous plairra me commander. Or est-il, monseigneur,
8
que du dixhuictiesme du passé, qui est troys jours apprès
9
ma commission donnée, je commence en ce lieu à dresser
10
ma compagnie où aussi tost marriva bien bonne et grosse
11
trouppe de soldatz, pour lesquelz entretenir, vous a pleu
12
mottroyer quatorze jours pour faire contribuer ceulx dudit
13
lieu et leurs aydes et aujourdhuy est le vingt uniesme
14
que je commence ma levée, tellement que tout est mangé,
15
et pourtant je supplie humblement votre seigneurie de
16
me vouloyr faire tant de bien de mottroyer encor mandat
17
pour quelques jours pour faire contribuer les aydes,
18
non aux fins de demeurer davantage, car je suis prest
19
à marcher aussi tost quil vous plairra le commander,
20
mais affin que j’eusse moyen de me rembourser de ce quay
21
fourny pour la nourriture desdits soldatz, oultre les quatorze
22
jours ; et attendant voz commandentz, je feray fin par
23
mes très humbles et affectionnées recommandations
24
à votre bonne grâce, priant Dieu
25
[v°] Monseigneur, qui vous doint en très bonne santé
26
heureuse et longue vie. De L’Alben, ce IXe juillet
27
Votre très humble et obéissant
28
serviteur pour vous obéyr à jamais
29
Capitaine Portes